المعاريس أثنين..والمجانين ألفين..!

لما تجيك دعوة الى حضور حفل زفاف لاحد الاشخاص

فإن الحريم في المنزل يعلنون حالة الطوارئ في اليوم الموعودفتلقاهم صافين طابور عند باب الحمام .. من أجل أخذ دش بارد


<<< لانهم مؤمنات بالقاعدة الفيزيائيةالتي تقول : ان الاجسام تتقلص بفعل البرودة



ثم يهبون الى غرفة العمليات تحصلهم مايخلون مراية في حالها ..
** فتلقى سارونه عند مراية التسريحة تتمكيج


** وهنو عند مراية الدولاب تركب عدساتها
<< تبي تطلع مثل هانا مونتانا بالطيب ولابالقوه
**وفوفو عند مراية المدخل حق البيت تستشور شعرها
<< بحكم أنها تشتغل بكودو فأكيد شعرها محترق من القلي

** وشوشو محتارة أي فستان تلبس

وكلما اختاروا لها فستان .. قالت : لا .. قد شافوه عليّ<<


** و نوونو تترجى اخوها : تكفى ود فستاني للمغسلةوقول لهم يخلونه مستعجل


** وتخفي غلاها متوهقة مالقت الحلق اللي يناسب لون فستانها


** وررو تقول لاخوها : تكفى مر على جارتناوخذ من عندها الاكسسوار التفاحي



** و جوجو.. انفرط سحاب فستانها .. وتبي الخياط يصلحه


<<< والله من السمنة الزايدة



وصجة .. ولجة .. وحوسة ... :

وكلهم في سباق مع الزمن ..


( طبعا ياعيني عالرجال .. ثوب وشماغ .. وانتهت السالفة )



بعد ذلك .. يركبون السيارة بعد ما بح صوت اخوهم وهو يناديهم ..



** والمصيبة اذا اخذوا مسافة بالسيارة وجتك ترف تشهق شهقة قوية .. ويقولون : اشفيييييك وترد عليهم : نسيت شنطتي تكفى يبه رجعنا للبيت



وبعد عناء طويل يصلون الى القصر ويدخلون



ومن يوم تبدأ الطقاقة بقرع الطبول تلقى الوحدة تهزّ .. وتهتز وهي لسّا باقي على الكرسي


ثم يتوافدون إلى المسرح وشف الرقص كيف


** اللي تحط رجلها من شرق المسرح الى غربه ولا احد يدري وش بلاها



** واللي تهز وهي واقفة مكانها بركادة .. وعلى بالها أنوثة ..
<< تحس ان هذي يكفيني حبك



وتعال شفهم اذا غنت الطقاقة .. ( يالتكسي ) وقالت : وخذ يمين وبعد يمين ..

تلقا الحريم فعلا ماخذين اللفة يمين في يمين


<<< طبعا من غشامتهم .. يتصاقعون في بعض



والوحدة فيهم بتتشقق من الفرحه اذا جت الطقاقة بجنبهاوقالت : ( يا احمر يا احمر .. عاشو .. على قلبي )

<< طبعا الافندية فستانها احمر ..



** وتلقا ثنتين هناك يرقصون نفس رقص العراقيات في ( عرب شمّر )وطبعا العجايز منصدمات .. ومافيه الا قوة دعاوي على هالبنات



** واذا جت اغنية مصرية ..

تلقا الاغنية والايقاع في وادي .. والرقص في واد آخرالا من رحم الله ..

<< واللي تعرف ترقص مصري .. تلقى البنات يتشحثونها تقوموهي ترفض .. :

طبعا من حقها .. تخاف يصكونها بعين على كيفك



والوناسة اذا قالت الطقاقة : ( رقصة خاصة لاهل العروس )تلقاهم يستلجون اذا قالت : ( كل آل ' فلان ' خيّالة )


<<<وهم في الحقيقه ..لم يركبوا حصانا قط..!
خخخخخخ
ان شاء الله تكون عجبتكم

المصدر: [عزيزي الزائر يتوجب عليك التسجيل للمشاهدة الرابطللتسجيل اضغط هنا]